साढे दुई वर्षपछि नुवाकाेटका ५५ वर्षीय गोपाल बुढाथोकीको भयाे पुनर्मिलन

पुनर्मिलन

गृहपृष्ठ
पुनर्मिलन

साढे दुई वर्षपछि नुवाकाेटका ५५ वर्षीय गोपाल बुढाथोकीको भयाे पुनर्मिलन

मानवसेवा संवाददाता मंगलबार, असोज ६, २०८३

भक्तपुर । करिब साढे दुई वर्षअघि बेवारिसे अवस्थामा सडकमा भेटिएका शिवपुरी गाउँपालिका- ४ नुवाकाेट घर भएका ५५ वर्षीय गोपाल बुढाथोकीको सोमबार पारिवारिक पुनर्मिलन भएकाे छ ।

१८ वर्षअघि श्रीमतीसँग सम्बन्धविच्छेद भएपछि माइला भाइसँग बस्दै आएका गोपाल मानसिक रूपमा विक्षिप्त बनेका कारण बेवारिसे अवस्थामा अलपत्र परेका थिए। २०८० फागुनमा काठमाडौं महानगरपालिका–५, भगवानपाउस्थित स्वयम्भूबाट मानवसेवा आश्रमले उनलाई उद्धार गरी संरक्षणमा राखेकाे थियो।

आश्रममा बितेका वर्षमा गोपालले उपचारसँगै माया, हेरचाह र संरक्षण पाए। परिवारको खोजी निरन्तर भइरहँदा उनका भाञ्जासँग सम्पर्क स्थापित भयो। छोराछोरीसमेत रहेको खुले पनि उनीहरूको स्पष्ट ठेगाना पत्ता लाग्न नसक्दा आश्रमले आवश्यक प्रकृिया पूरा गरी साेमबार शिवपुरी गाउँपालिका-४ नुवाकाेट घर भएका भाञ्जाकाे जिम्मा लगाउँदै उनकाे पारिवारिक पुनर्मिलन सम्पन्न गरेकाे हाे ।

अन्ततः सोमबार मानवसेवा आश्रमकाे टोली नुवाकोट पुगेर गाेपालकाे पुनर्मिलन गराउन सफल भएकाे छ ।

प्रकाशित मिति: मंगलबार, असोज ६, २०८३ १४:२०

प्रतिक्रिया दिनुहोस्