मानवसेवा आश्रमद्वारा ज्यो. पण्डित मनिराज जोशी सम्मानित

मिसन २०८२

गृहपृष्ठ
मिसन २०८२

मानवसेवा आश्रमद्वारा ज्यो. पण्डित मनिराज जोशी सम्मानित

मानवसेवा संवाददाता मंगलबार, माघ २९, २०८१

धनगढी । मानवसेवा आश्रमले सुदूरपश्चिम प्रदेशका ज्यो. पण्डित मनिराज जोशीलाई सम्मान प्रदान गरेकाे छ ।

साेमबार धनगढी- १ कैलाली निवासी ज्यो. पण्डित मनिराज जोशीले नेपाली साहित्य रचना र धर्म संस्कृतिकाे रक्षार्थ पुऱ्याउनु भएको योगदानको उच्च सम्मान गर्दै आश्रमले सम्मान गरेकाे हाे । जोशीकाे गर्नुभएकाे कार्यकाे उच्च मूल्याङ्कन गर्दै आश्रमले प्रमाण-पत्र खादा रूद्राक्ष मालासहित साेमबार महायज्ञमा सम्मान गरेकाे छ ।

मानवसेवा आश्रमले सुदूरपश्चिम प्रदेश कैलाली धनगढी शाखाको भवन निर्माण मा सबै परोपकारी एवं मानवता प्रेमी मनहरूलाई सहभागी गराउने र सहयोगापेक्षी सडकआश्रित मानवमुक्त सुदूरपश्चिम प्रदेश निर्माणमा टेवा पुऱ्याउने उद्देश्यले माघ २३ देखि सुरु भएकाे महायज्ञको अवसरमा जोशीले साहित्य रचना र धर्म संस्कृति संरक्षण गरेकाे भन्दै आश्रमले सम्मान गरेकाे हाे ।

मानवसेवा आश्रमले सुदूरपश्चिम प्रदेश कैलाली धनगढी शाखाको भवन निर्माण गर्ने उद्देश्यले महायज्ञकाे आयाेजना गरेकाे हाे । माघ २३ गतेदेखि धनगढीको पशुपति टोलमा सुरू भएको महायज्ञ (सुदूरपश्चिम महोत्सव हुने) ३० गतेसम्म सञ्चालन हुनेछ ।

प्रकाशित मिति: मंगलबार, माघ २९, २०८१ ११:४७