पोखरा महानगरपालिका मेयर आचार्यले आश्रममा मनाए जन्मदिन

समाचार

गृहपृष्ठ
समाचार

पोखरा महानगरपालिका मेयर आचार्यले आश्रममा मनाए जन्मदिन मानवसेवा आश्रम पोखराको ८ औँ स्थापना दिवस

मानवसेवा संवाददाता मंगलबार, चैत १७, २०८२

पोखरा । पोखरा महानगरपालिकाका नगर प्रमुख धनराज आचार्यले आफ्नाे ५५ औँ जन्मदिन मानवसेवा आश्रम हेम्जामा मनाउँदै आश्रितहरुकाे लागि भाेजनसेवा याेगदान गर्नुभएकाे छ ।

नगर प्रमुख आचार्यले विगतमा समेत आश्रमको सेवा सहजीकरणका लागि निरन्तर सहयोग प्रदान गर्दै आउनुभएको छ। जन्मदिनको अवसरमा आश्रम परिसरमा वृक्षारोपण समेत गरिएको थियो। आफ्नो हरेक जन्मदिन मानवीय सेवामा समर्पित गर्दै आचार्यले आगामी दिनमा पनि आश्रमलाई सहयोग र सद्भाव रहने प्रतिबद्धता व्यक्त गर्नुभएको छ।

660986976_122181766220771599_1854443497518818256_n-1774958876.jpg

मानवीय सेवामा सरिक भई जन्मदिनजस्तो विशेष अवसरमा आश्रममा आश्रितहरूसँग खुसी साट्दै गरिएको यस सहयोगप्रति आश्रमले धन्यवाद ज्ञापन गरेकाे छ ।

साथै आज मानवसेवा आश्रम पोखराको ८ औँ स्थापना दिवस समेत मनाइएको छ। मानवसेवा आश्रमको ९ औँ शाखाका रूपमा वि.सं २०७४ साल चैत १७ गते कास्की पोखरा शाखाको औपचारिक उद्घाटन गरिएको थियो। तत्कालीन पर्यटन मन्त्री स्व. रवीन्द्र अधिकारीको प्रमुख आतिथ्यतामा मानवसेवा आश्रम पाेखराले विधिवत् रुपमा सेवा शुभारम्भ गरेको हो। हाल आश्रममा रहेका १ सय ६६ जना आश्रितहरू संरक्षणमा रहेका छन् ।

657371699_122181766838771599_8653207217295418538_n-1774958949.jpg

आश्रमलाई अपनत्व प्रदान गरी सहयाेग गर्नुहुने अभियन्ता, आश्रमका अभिभावक तथा मनकारी दाताहरूमा आश्रमले आभार व्यक्त गरेकाे छ । सरकारको आंशिक सहयोग तथा देश–विदेशमा रहेका नेपाली मनकारी दाताहरूको सहयोगमा मानवसेवा आश्रमले हाल देशभर २९ वटा शाखा विस्तार गरी सडकआश्रित मानवहरूको उद्धार गरी सेवा सञ्चालन गरिरहेको छ।

प्रकाशित मिति: मंगलबार, चैत १७, २०८२ १७:५४

प्रतिक्रिया दिनुहोस्