मंगलबार मानवसेवा आश्रम रौतहट शाखालाई जिन्सी सामग्री हस्तान्तरण

सहयोग

गृहपृष्ठ
सहयोग

मंगलबार मानवसेवा आश्रम रौतहट शाखालाई जिन्सी सामग्री हस्तान्तरण

मानवसेवा संवाददाता बुधबार, पुस १६, २०८२

मंगलबार मानवसेवा आश्रम रौतहट शाखालाई जिन्सी सामग्री हस्तान्तरण

रौतहट । मानवसेवा आश्रम रौतहट शाखामा एस.एल.सी. ब्याच २०६० समूहद्वारा जिन्सी सामग्री तथा बेलुकाको भोजन सहयोग प्रदान गरिएको छ।

मंगलबार चन्द्रपुर नगरपालिका–०६, चन्द्रनिगाहपुरस्थित जनज्योति माध्यमिक विद्यालयका पूर्व विद्यार्थीहरू, अर्थात् एस.एल.सी. ब्याच २०६० समूहले आश्रितहरूको दैनिक सेवा व्यवस्थापनका मद्दत पुर्‍याउने उद्देश्यले न्यानो ब्ल्याङ्केट, जुत्ता, मोजा, सरसफाइ सामग्रीहरू हस्तान्तरण गरेका छन्। साथै, उनीहरूले आश्रमका बुवाहरूको लागि बेलुकाको भोजन समेत प्रदान गरेका थिए।

जाडो मौसमलाई मध्यनजर गर्दै प्रदान गरिएको यस सहयोगले आश्रित बुवाहरूलाई अझ न्यानो र सुरक्षित वातावरण उपलब्ध गराउन सहयाेग पुगेकाे छ ।

शैक्षिक संस्थाभित्रको मित्रता र एकता कायम राख्दै समाजमा सकारात्मक योगदान पुर्‍याउने प्रेरणादायी उदाहरण प्रस्तुत गर्दै एस.एल.सी. ब्याच २०६० समूहका सदस्यहरूले आफ्नाे सामाजिक जिम्मेवारीप्रति गहिरो समर्पण देखाएका छन्।

मानवसेवा आश्रम रौतहट शाखाले यस मानवीय सेवामा सहकार्य तथा योगदान गर्नुहुने सम्पूर्ण समूहप्रति हार्दिक धन्यवाद व्यक्त गर्दै समाजमा करुणा, मानवता र सेवा भावनाको सन्देश अझ सशक्त भएकाे कुरा उल्लेख गरेकाे छ ।

प्रकाशित मिति: बुधबार, पुस १६, २०८२ १३:४६