काठमाडौँ । मानवसेवा आश्रमले मंसिरको दोस्रो हप्तामा मात्रै ४८ जना सहयोगापेक्षी व्यक्तिहरू उद्धार गरेको छ। सो अवधिमा ३६ जनाको सफल परिवारिक पुनर्मिलन समेत गरिएको आश्रमले जनाएको छ।
आश्रमले सरकारकाे सहयाेगी संस्था बनेर सातै प्रदेशमा २९ वटा शाखाहरू विस्तार गरी सडकपेटीमा जोखिमपूर्ण जीवन बिताइरहेका व्यक्तिहरूको उद्धार, उपचार, पालनपाेषण पारिवारिक पुनर्मिलन सेवा प्रदान गर्दै आइरहेकाे छ । अभियन्ता, नेपाल प्रहरी, स्थानीय जनप्रतिनिधि र स्वयंसेवकहरूले उद्धार तथा पारिवारिक पुनर्मिलन कार्यमा समन्वयकारी भूमिका निर्वाह गरिरहेका छन् ।
उद्धार गरिएका मध्ये सम्भव हुनेहरूकाे पारिवारिक पृष्ठभूमि पत्ता लगाइ आश्रमले पारिवारिक पुनर्मिलन गर्ने कार्य पनि तीव्रता साथ अगाडि बढाइरहेकाे छ ।
मानवसेवा आश्रमले हाल सात प्रदेशका २१ जिल्लामा २९ वटा शाखामार्फत ७७ जिल्लाका सहयोगापेक्षी सडकआश्रित मानवहरूको उद्धार र मानवोचित व्यवस्थापन गर्दै आएको छ।
मानवसेवा आश्रम खुला आकाशमुनि सडकपेटी र सार्वजनिक स्थलहरूमा जीवन बिताइरहेका बेसहारा, असहाय, अशक्त, अभिभावकविहीन तथा मानसिक र शारीरिकरुपमा कमजोर व्यक्तिहरूको उद्धार, उपचार, पालनपोषण, संरक्षण र पारिवारिक पुनर्मिलनमा समर्पित गैरनाफामूलक संस्था हो। आश्रमले ‘सहयाेगापेक्षी सडकआश्रित मानवमुक्त राष्ट्र’ नेपाल बनाउने लक्ष्यसहित २०६९ साल भाद्र १३ गते मकवानपुर, हेटौँडाबाट औपचारिक रूपमा सेवा शुभारम्भ गरेको थियो।
-1751784432.jpg)
-1747554144.jpg)
