बागलुङ । बागलुङ नगरपालिका–३ राजभण्डारी टोल निवासी सहदेव राजभण्डारी तथा आनन्द प्रकाश राजभण्डारीले मानवसेवा आश्रम बागलुङ शाखाको भवन निर्माणका लागि १० लाख ११ हजार १ सय ११ सहयोग प्रदान गर्नुभएको छ।
समाजसेवा, करुणा र मानवताको गहिरो भावना बोकेर प्रदान गरिएको यो उदार सहयोगले आश्रमको भवन निर्माण अभियानलाई थप मजबुत बनाएको आश्रमले जनाएको छ। दाताहरूको निरन्तर साथ, सहयोग र समर्पणले आश्रमलाई लक्षित सेवामूलक कार्यहरू गर्न निरन्तर प्रेरणा मिलिरहेको छ ।
मानवता सेवामा प्रेरणादायी योगदान प्रदान गर्ने राजभण्डारी परिवारप्रति आश्रमले हार्दिक आभार व्यक्त गर्दै विशेष सम्मान अर्पण गरेको छ।
यसैबीच, भक्तजनहरूको उत्साह, उपस्थितिको घनत्व र श्रद्धाआस्थाको उर्जामय वातावरण बढ्दै गएपछि २८ गते सकिने भनिएको श्रीमद्भागवत सप्ताह ज्ञान–विज्ञान महायज्ञ एक दिन थप गरी २९ गतेसम्म सञ्चालन गरिने भएको छ।
आयोजक समितिका अनुसार, कथावाचन २८ गतेसम्म पूरा भए पनि अन्य धार्मिक कार्यक्रम, सेवा–सम्पादन तथा महायज्ञका विविध गतिविधिहरू २९ गतेसम्म निरन्तर रुपमा सञ्चालन हुनेछ।
आयोजक तथा आश्रम परिवारले समग्र भक्तजन, सहयोगी दाता तथा सेवामुखी मनहरूलाई निरन्तर सहयोग, सहभागिता र शुभेच्छाका लागि हृदयदेखि आभार व्यक्त गरेको छ।
-1751784432.jpg)
-1747554144.jpg)
