बागलुङ । मानवसेवा आश्रम बागलुङ शाखाको भवन निर्माण सहयोगार्थ बागलुङको निरयघाटमा जारी श्रीमद् भागवत सप्ताह ज्ञान–विज्ञान महायज्ञ बुधबार भक्तजनहरूको घुइँचो लागेकाे थियाे । बुधबार मात्र महायज्ञमार्फत १ करोड ५४ लाख ३४ हजार १ सय १४ रुपैयाँ संकलन भएको मूल आयोजक समितिले जनाएको छ।
बागलुङ, पर्वत, म्याग्दी लगायत देशका विभिन्न स्थानका साथै विदेशमा रहेका नेपालीहरूले पनि अनलाइनमार्फत सहयोग गरिरहेका छन् ।
महायज्ञमा भीड अत्यधिक बढेपछि आयोजक समितिलाई व्यवस्थापनमा कठिनाइ भएकाे थियाे । श्रद्धालुहरूले बाहिर बसेर समेत कथा श्रवण गरेका हुन् । दाता सम्मान कार्यक्रमलाई छिटो र व्यवस्थित बनाउन रु. २१ हजारभन्दा कम सहयोग गर्ने दाताहरूलाई पण्डाल बाहिर र सोभन्दा बढी सहयोग गर्ने दाताहरूलाई पण्डालभित्रबाट सम्मान गरिएको आश्रमले जनाएको छ।
बुधबार महायज्ञमा कर्ण हमाल, होम हमाल, नरेन्द्र हमाल, मकर हमाल र पूर्ण हमालले एक काेठा निर्माणका लागि ५ लाख १२ हजार ५००, भुपेन्द्र केसी ६ लाख ३८ हजार १६०, दुर्गाबहादुर आचार्यले १ लाख २१ हजार १५५, श्याम–फुलमाया फाउन्डेशनले ८० हजार, शेर श्रीस १, लाख ५०५, शालिकराम र जमुना आचार्यले १ लाख ११ हजार, न्यू एभरेस्ट एकेडेमी बागलुङले १ लाख २१ हजार १११,सिर्जनशील आमा समूहले ५१ हजार ५ सय ५५, तुलसी भण्डारीले १ लाख ५१ हजार १५१, केदारनाथ शर्माले ५५ हजार ५सय ५५ रूपैयाँ सहयोग प्रदान गरेका छन् । महायज्ञमा व्यक्तिगत तथा संस्थागत रूपमा दाताहरूले आफ्नाे गक्ष्य अनुसार दान गरी मानवीय कार्यमा सरिक भएका छन् ।
महायज्ञ सकिन अब दुई दिन मात्र बाँकी रहँदा भक्तजनको उत्साह झनै बढेको छ भने सहयोग र दान आउने क्रम उल्लेखनीय रूपमा तीव्र भएको छ।
मानवसेवा आश्रम बागलुङ शाखाको भवन निर्माण र अक्षयकोष स्थापनाको लक्ष्यसहित आयोजना गरिएको हाे । महायज्ञबाट संकलित रकम भवन निर्माणमा खर्च गरिने गरी आगामी चैत मसान्तसम्म नवनिर्माणाधीन निरयघाटस्थित भवनबाट सेवा सञ्चालन गर्ने तयारी गरिएको आयोजक समितिले जनाएको छ।
-1751784432.jpg)
-1747554144.jpg)
