बागलुङ । बागलुङको निरयघाटमा जारी महायज्ञमा मंगलबार एकैदिन १ करोड १ लाख ९६ हजार रुपैयाँको दान संकलन भएको छ। मानवसेवा आश्रम बागलुङ शाखाको भवन निर्माण सहयोगार्थ आयोजित महायज्ञमा साे रकम दान बापत संकलन भएकाे मानवसेवा आश्रमको वित्त विभागले जानकारी दिएकाे हाे ।
मंगलबारको भक्तजनहरूको बाक्लाे उपस्थितिले महायज्ञस्थल पण्डाल भरिएको थियो। बिहानैदेखि श्रद्धालुहरूले भजन, कथा तथा पूजा–आराधनामा सहभागिता जनाउँदै सहयोग गर्ने क्रम निरन्तर जारी राखेका थिए। दान गर्ने अधिकांशले १ लाखदेखि ५ लाख रुपैयाँसम्म योगदान गरेका छन्। दान दिने दाताहरूले केही नभएका वा काेही नभएका व्यक्तिहरूको नाममा सहयाेग गर्न पाउँदा गर्व लागेको प्रतिक्रिया दिएका छन्।
गलकाेट नगरपालिका, बागलुङ समाज भर्जिनिया र उमाशान्ति श्रेष्ठ र कृष्णकुमार श्रेष्ठले मानवसेवा आश्रम बागलुङ शाखामा एक कोठा निर्माणका लागि ५ लाख ११ हजार १११ रुपैयाँ प्रदान गरेका छन्।
त्यस्तै, लालबहादुर खत्री, सीता कुमारी खत्री, धर्मराज क्षेत्री, रुद्रबहादुर क्षेत्री, निर्मला मल्ल, राम खड्का, रधुपति शर्मा, धनबहादुर खड्का, पूर्णबहादुर शाक्य, तेजबहादुर कार्की, लालबहादुर महत, रुद्रबहादुर महत लगायतका दाताहरूले पनि मानवसेवा आश्रमको भवन निर्माणमा १ लाखभन्दा बढी सहयोग गरेका छन्।
महायज्ञबाट संकलित रकम आश्रमले भवन निर्माणका साथै असहाय, विपन्न र आश्रयविहीन व्यक्तिहरूको व्यवस्थापन र अन्य मानवीय सेवामा उपयोग गरिने जानकारी दिएको छ।
श
गत शुक्रबारदेखि सुरु महायज्ञ कार्तिक २८ गतेसम्म सञ्चालन हुनेछ भने कथा वाचन गुरू भागवत् भास्कर कमलनयनज्यूले गरिरहनु भएकाे छ ।
-1751784432.jpg)
-1747554144.jpg)
