बागलुङ । मानवसेवा आश्रम बागलुङ शाखाको भवन निर्माण गरी सहयोपेक्षी सडकआश्रित मानवको व्यवस्थापनका लागि आयोजना गरिएको श्रीमद् भागवत सप्ताह ज्ञानविज्ञान महायज्ञको शोभा कलश यात्रा शुक्रबार सम्पन्न भएको छ।
कलश यात्रा लोकतान्त्रिक चोकबाट सुरु भई जिपपार्क, नगर खानेपानी, राइटर चोक, शिवधारा हुँदै देउराली चोक, विद्यामन्दिर, नारायण चोक, लालीगुँरास चोक, गोदाम चोक, बुद्धचोक, अदालत रोड, अस्पताल रोड, मरेपिपल र लाम्पाटा हुँदै निरयघाटस्थित महायज्ञ स्थलमा पुगेर समापन भएको थियो।
कलश यात्रामा देउराली आमा समूह नौमती बाजा, नवजागृति आमा समूह, कालिका आमा समूह, शुक्लेश्वरी ज्ञानज्योति आमा समूह, एकल आमा समूह, धौलागिरी प्राविधिक शिक्षा प्रतिष्ठान लगायतका विभिन्न समूहहरूको सहभागिता रहेको थियो।
भक्तिभाव र उल्लासपूर्ण वातावरणमा सम्पन्न कलश यात्रामा हजारौं भक्तजनहरूको उत्साहपूर्ण उपस्थिति रहेको थियो। यात्रामा धार्मिक झाँकी, बाजागाजा र विभिन्न सांस्कृतिक प्रस्तुति आकर्षणका केन्द्र बनेका थिए।
कलश यात्रा महायज्ञ सुरु हुनु अघिको औपचारिक उद्घाटन कार्यक्रम हो, जसले यज्ञको शुभारम्भको संकेत गर्छ। निरयघाटमा आजदेखि सुरु भएको महायज्ञ कार्तिक २८ गतेसम्म सञ्चालन हुनेछ।
-1751784432.jpg)
-1747554144.jpg)
