बागलुङ । मानवसेवा आश्रम बागलुङ शाखाद्वारा आयोजित श्रीमद् भागवत सप्ताह ज्ञानविज्ञान महायज्ञ–२०८२को व्यापक प्रचारप्रसारका लागि बुधबार बागलुङ बजार क्षेत्रमा घरदैलो कार्यक्रम सम्पन्न गरिएको छ।
स्थानीयवासी, व्यापारी तथा विभिन्न सामाजिक अगुवाहरूसँग प्रत्यक्ष भेटघाट गर्दै महायज्ञको उद्देश्य, कार्यक्रमका विशेषता र आश्रमको सामाजिक सेवाबारे जानकारी गराउँदै सहयोग र सहभागिताका लागि आग्रह गरिएको थियो।
घरदैलो कार्यक्रमका क्रममा आश्रमका प्रतिनिधिहरू, स्थानीय स्वयंसेवक, धार्मिक श्रद्धालु तथा सामाजिक व्यक्ति त्वहरुकाे सक्रिय सहभागिता रहेको थियो। कार्यक्रममा घर–घर, पसल–पसल र कार्यालयहरूमा पुगेर निमन्त्रणा पत्र वितरण गरिदै महायज्ञकाे निमन्त्रणा गरिएकाे थियाे ।
मानवसेवा आश्रमले विपन्न र असहायका लागि गर्दै आएको सेवा अभियानको निरन्तरताका लागि महायज्ञमार्फत संकलित सहयोग भवन निर्माणमा सहयाेग पुग्नेछ ।
कार्तिक २१ गतेदेखि २८ गतेसम्म बागलुङको निरयघाटमा आयोजना हुने महायज्ञले आश्रमको भवन निर्माण तथा अक्षयकोष विस्तारमा महत्वपूर्ण योगदान पुग्ने आश्रमले जनाएकाे छ ।
घरदैलो कार्यक्रमले स्थानीय समुदायमा सकारात्मक रुचि र उत्साह जागेको र धेरै नागरिक तथा व्यवसायीहरूले आर्थिक तथा नैतिक रूपमा साथ दिने प्रतिबद्धता व्यक्त गरेको आयोजक समितिले जनाएको छ। आश्रमले समाजका दुखी, असहाय र अभिभावकविहीन व्यक्तिहरूका लागि आश्रय, उपचार र पुनर्स्थापनाका कार्यक्रमहरू सञ्चालन गर्दै आएको छ।
-1751784432.jpg)
-1747554144.jpg)
