बागलुङ । श्रीमद् भागवत् सप्ताह ज्ञानविज्ञान महायज्ञ सुरु नहुँदै बागलुङमा सहयोग आउने क्रम तीव्र बनेकाे छ। महायज्ञको मिति नजिकिँदै जाँदा दाताहरुले भवन निर्माणका लागि आर्थिक सहयोग गर्ने घोषणा गरिरहेका छन् ।
हाल अमेरिका रहने रेनुका अधिकारी, इन्द्रमणि अधिकारी र मनु अधिकारीले भवन निर्माणका लागि ५० हजार ५ सय ९८ रूपैयाँ सहयोग गर्नुभएकाे हाे।
सोही क्रममा बागलुङ नगर प्रमुख बसन्तकुमार श्रेष्ठले आश्रमको पूर्णताका लागि नगरपालिकाको तर्फबाट आर्थिक, भौतिक र नैतिक सहयोग गर्ने प्रतिबद्धता जनाउनुका साथै आफ्नो जनप्रतिनिधि सुविधाबाट प्राप्त रकम सहयोग गर्ने घोषणा गर्नुभएको छ।
साथै नगर प्रमुख श्रेष्ठले सबै भक्तजनलाई फराकिलो मन बनाएर महायज्ञमा सहभागी भई दान गर्नहुन अनुराेध समेत गर्नुभयाे।
त्यसैगरी बागलुङ नगरपालिका–८ का वडाध्यक्ष छमबहादुर कार्कीले पनि जनप्रतिनिधि सुविधाबाट प्राप्त रकम सहयोग गर्ने घोषणा गर्नुभएको छ भने अन्य कार्यपालिका सदस्यहरूले समेत आफ्नो १५ दिनको जनप्रतिनिधि सुविधालाई सहयोगस्वरूप दिने घोषणा गरेका छन्।
बागलुङ नगर उप–प्रमुख राजु खड्काले भने भवन निर्माणका लागि १ लाख १ सय ११ रूपैयाँ सहयोग गर्ने घोषणा गर्नुभएको छ।
त्यस्तै, गलकोट नगरपालिका-१० निवासी समाजसेवी मानसिंह छन्त्यालले १ लाख ५ हजार ५ सय ५५ रूपैयाँ सहयोग गर्ने घोषणा गर्नुभएको छ।
बागलुङ नगरपालिका–३ लालीगुराँस चोकमा अवस्थित मानवसेवा आश्रम बागलुङ शाखामा हाल ३५ महिला र २९ पुरुष गरी ६४ जना आश्रित रहेका छन्।
बागलुङ नगरपालिका–४ निरयघाटमा निर्माणाधीन भवन चैत्र मसान्तभित्र सम्पन्न गर्ने लक्ष्यसहित महायज्ञ आयोजना गर्न लागिएको हो। महायज्ञमा भागवत् भाष्कर कमलनयन गौतमले कथा वाचन गर्नुहुने कार्यक्रम तय भएकाे छ।
-1751784432.jpg)
-1747554144.jpg)
