हेम्जा सेवाकेन्द्रद्धारा मानसिक रुपमा कमजोर युवक सुरेश मगरकाे उद्धार

समाचार

गृहपृष्ठ
समाचार

हेम्जा सेवाकेन्द्रद्धारा मानसिक रुपमा कमजोर युवक सुरेश मगरकाे उद्धार

मानवसेवा संवाददाता बिहीबार, असार २६, २०८२

आशिष गौतम / पोखरा - पोखरा महानगरपालिका वडा नं. ६ स्थित लेकसाइड क्षेत्रबाट २५ वर्षीय मानसिक रुपमा कमजोर युवक सुरेश मगरलाई प्रहरीको समन्वयमा मानवसेवा आश्रम कास्कीको हेम्जा सेवाकेन्द्रले उद्धार गरेको छ ।

सुरेश मगर विगत केही समयदेखि मानसिक असन्तुलनको अवस्थामा सडकपेटीमा बसोबास गर्दै आएका थिए । स्थानीय बासिन्दाहरूको सूचनाको आधारमा आश्रमको उद्धार टोलीले प्रहरीको सहयोगमा सुरक्षितरूपमा उद्धार गरी तत्काल प्रारम्भिक स्वास्थ्य परीक्षणका लागि अस्पताल पुर्याएको हो । मानव सेवा आश्रमको संरक्षणमा सुरेश मगरको मानसिक स्वास्थ्य उपचार प्रक्रिया सुरु गरिसकेको छ ।

मानवसेवा आश्रमले खुला सडकपेटी एवम् सार्वजनिक स्थलहरूमा कष्टपूर्ण जीवनयापन गर्न विवश सहयोगापेक्षी, बेसहारा,असहाय, अशक्त, अभिभावकविहीन, शारीरिक तथा मानसिकरुपमा कमजोर मानवहरूको उद्धार, उपचार, पालनपोषण, संरक्षण एवं पारिवारिक पुनर्मिलनको गराउँदै आएको छ । आश्रमले २०८२ भित्रै मुलुकलाई सहयोगापेक्षी सडकआश्रित मानव मुक्त राष्ट्र नेपाल घाेषणा गर्न अभियान सञ्चालन गरिरहेकाे छ ।